SkyTrain (Vankuvero)

STV SkyTrain (Vankuvero)
automated rapid transit
Ĝeneralaj informoj
Loko	Vankuvero (Brita Kolumbio, Kanado)
Transportsistema speco	Metroo
Komenco de trafiko	11-a de decembro 1985
Teknikaj informoj
Longeco de sistemo	79,6 km
Nombro de linioj	3
Nombro de veturiloj	298
Nombro de stacioj	53
Aliaj informoj
Pasaĝeroj tage	160 milionoj (2018)
Traklarĝo	1 435 mm
Transportisto	TransLink
v • d • r

SkyTrain (angle ĉieltrajno) estas la metroa sistemo de Vankuvero (Kanado). Ĝiaj trajnoj veturas aŭtomate, sen stiristo. Ĝiaj trakoj plejparte ne estas sub-, sed superteraj, sur pilieroj.

En 2010 SkyTrain havas reton de 68,7 km kun 47 stacioj; per tio ĝi estas la plej longa aŭtomata fervoj-sistemo en la mondo kaj la plej longa urba fervojo de Kanado. Ĝi konsistas el tri linioj; ĉiuj komenciĝas en stacio Waterfront:

•  Expo Linio  (angle Expo Line) estis malfermita en decembro 1985 por servi al la monda ekspozicio Expo 86. Ĝi trafikis inter la stacioj Waterfront kaj New Westminster kaj estis plilongigita al King George inter 1989 kaj 1984.
•  Millennium Linio  (angle Millennium Line) estis malfermita en 2002. Ĝi uzas la trakojn de Expo Linio ĝis stacio Columbia, tiam bukle reiras al stacio Commercial Drive kaj iras plu al VCC–Clark.
•  Canada Linio  (angle Canada Line) estis malfermita en aprilo 2009. Ĝi de Waterfront iras suden, subtere ĝis Marine Drive, plu al Bridgeport kaj tie disbranĉiĝas al Richmond–Brighouse kaj al Internacia Flughaveno Vankuvero (nomata YVR laŭ sia IATA-kodo).

Ekzistas plano pri kvara linio (Evergreen Line), inter Lougheed kaj Douglas.

La du unuaj linioj estas administrataj de British Columbia Rapid Transit Company. La Canada Linion prizorgas la kompanio Protrans BC; ĝi ankaŭ uzas alispecajn veturilojn ol la aliaj du.